Skólaferðir

Hafa samband

Skólaferðir

Guðmundur Tyrfingsson býður upp á rútur með öryggisbeltum í öllum sætum og yfir 1000 sæti með þriggja punkta beltum. Við getum aðstoðað við skipulagningu á ferðum fyrir skólahópa hvert á land sem er. Hafðu samband og fáðu upplýsingar og tillögur.

Hér eru tillögur að afþreyingu og gistingu fyrir skólahópa.
Á Stokkseyri eru tveir salir til útleigu meðal annars fyrir svefnpokagistingu.

Góð aðstaða er til að grilla og sjoppa er við hliðina á sölunum sem veitir skólahópum hagstæð tilboð.
Gestir verða að koma með dýnur og svefnpoka.

Möguleg afþreying fyrir skólahópa:
Álfa, Trölla og Norðurljósasafnið
Álfasöngur, tröll og norðurljós. Upplifðu ævintýrið. Hafið samband og biðjið um verð!

Draugasetrið
Draugasetrið er frábær skemmtun. Þar býðst gestum að ganga í gegnum 1.000 m2 völundarhús og hlusta á 24 rammíslenskar draugasögur um leið og þeir ganga í gegnum ámóta umhverfi og sögurnar gerðust í og upplifa draugaganginn. Hafið samband og biðjið um verð!

Leikjaþrautabraut í Hveragerði
Hóparnir þurfa að leysa þrautir sem reyna á sjón, hugsun og færni.
Ratleikurinn samanstendur af 10 stöðvum í Hveragerði með um 15 þrautum og leikjum sem hópurinn þarf að leysa í sameiningu.

Aparólan í Hveragerði
Aparólan er svifbraut sem er strengd yfir fossinn í Hveragerði, brautin er tæpir 80 metrar og nær fólk góðum hraða í brautinni.

Hægt er að bæta aparólunni við ratleikinn í Hveragerði eða fara bara í apróluna.Ýmislegt fleira er í boði í Hveragerði svo sem heimsókn í Listasafn Árnesinga í Hvera-gerði, þar er góð aðstaða fyrir skólahópa og vel tekið á móti þeim. Einnig er hægt að fara í sund og gönguferðir í Reykjadal.

Kayak Stokkseyri
Sit On Top kajaka sem eru þeir öruggustu sem völ er á. Róið  inn í þröngar rásir fenjasvæðisins. Svæði sem býður upp á skemmtilega stemningu og getur reynt á samhæfni.
Skerjagarðurinn er með fallegum lónum er heimkynni sela og fugla og lífríkið allt ótrúlega fjölbreytt. Lögð er áhersla á að fólk haldi sig nærri landi með leiðsögumanni. Stórkostleg upplifun!

Rafting á Hvítá á Suðurlandi
Eru með  vinsælustu flúðasiglingar landsins frá bækistöðvum  Drumboddsstöðum eða “Drumbó”. Siglingin sjálf er 7 kílómetra leið í gegnum falleg gljúfur og margar mismunandi flúðir. Flúðasiglingarnar á Hvítá henta öllum og vegna þess hversu nálægt Gullna hringnum áin er hefur hún orðið geysivinsæll áfangastaður. Siglingin sjálf byrjar við Veiðistaðinn og liðast niður fljótið í gegnum flottar öldur og miðlungs stórar holur. Siglt er meðfram stuðlabergi og sérstæðum bergmyndunum og í Brúarhlöðum er tekið stutt hlé þar sem hver sem vill getur stokkið fram af kletti ofan í ána. Þessi sigling er skemmtileg og fjölbreytt og hentar fyrir alla sem eru í ævintýraleit!

Hafið samband og biðjið um verð!